Qirg‘izistonda maktab o‘quvchisi GAZ-53 yuk mashinasida sinfdoshini bosib ketdi. Bu haqda 24.kg axborot agentligiga Talas viloyati ichki ishlar boshqarmasi matbuot xizmati bosh nazoratchisi Maksat Abdiseyitov ma'lum qildi.
"9-sinf o‘quvchisi GAZ-53 yuk mashinasida dam olgani borgan, orqaga harakatlanayotganda uning sinfdoshi yurayotgan mashinaga o‘tirmoqchi bo‘lgan, biroq yiqilib tushgan va mashina uning ustidan o‘tib ketgan. Favqulodda voqea vaqtida yon atrofda kattalar bo‘lmagan", deb aytdi Abdiseyitov.
Fojia 24 mayda Talas tumanining Oq Qayin degan joyida yuz bergan. O‘smir shifoxonaga olib kelingan, biroq o‘ziga kelmay vafot etgan. Yuk mashinasini boshqargan o‘smir esa karaxt holatda shifoxonaga yotqazilgan.
IIBda ma'lum qilinishicha, bir guruh o‘quvchilar o‘qituvchilari va ota-onalariga ma'lum qilmay, ekskursiyaga borishgan. Yuk mashinasi o‘quvchining otasiga tegishli bo‘lgan.
Ayni vaqtda ushbu fojia yuzasidan tergov olib borilmoqda.