SVOJJDLQK departamentining Qiziltepa tuman bo‘limi xodimlari tomonidan Qiziltepa tuman Agroservis va transport kasb-hunar kolleji bitiruvchisi Ilhom Nazarovning arizasiga asosan o‘tkazilgan tekshiruvda yana bir qilmish fosh etildi. Bu haqda “Huquq” nashri yozmoqda.
Fuqaro Davlat Niyozov bitiruvchini turli yo‘llar bilan aldab, uning ishonchiga kirgani va “Milliy bank”ning Qiziltepa tuman filialidan uning nomiga 3 yil muddatga yillik 10 foiz ustama to‘lash sharti bilan 19 mln. so‘m miqdorida kredit mablag‘i olganligi ma'lum bo‘ldi. U olingan kredit mablag‘larini o‘zining shaxsiy manfaatlari yo‘lida ishlatib yuboradi.
D.Niyozovga nisbatan jinoyat ishlari bo‘yicha Qiziltepa tuman sudi o‘zining odilona hukmini e'lon qildi.