Rossiya prezidenti Vladimir Putin, ukrainalik uchuvchi Nadejda Savchenkoni topshirish masalasi Ukraina prezidenti Pyotr Poroshenko bilan ancha avval muhokama qilingani haqida bayonot berdi.
«Savchenkoni almashtirish — qaytarish, afv etish masalasiga kelsak. Biz bu masalani prezident Poroshenko bilan ancha avval muhokama qilganmiz. Bizning oldimizda turgan birinchi galdagi vazifa, Ukraina sudi tomonidan sudlangan ikki rossiyalikni qaytarish masalasi edi», — deb oydinlik kiritgan Vladimir Putin Gretsiya bosh vaziri Aleksis Tsipras bilan Afinada o‘tkazgan muloqoti yakunida.
25 may kuni Nadejda Savchenko rossiyalik Yevgeniy Yerofeyev va Aleksandr Aleksandrovlarga almashtirilgan edi. Ularni prezidentlar Vladimir Putin va Pyotr Poroshenko afv etgandi.