Angliyalik 99 yoshli kishi uchinchi marta saratondan davolanishga muvaffaq bo‘ldi

"Olti oydan so‘ng yuz yillik yubileyini nishonlashni rejalashtirayotgan Buyuk Britaniyada yashovchi Viktor Marston ehtimol saratondan davolanishga muvaffaq bo‘lgan eng yoshi ulug‘ bemor hisoblanar", deb yozadi The Guardian. 

May oyining boshida u ichakdan yomon o‘simtani olib tashlash bo‘yicha jarrohlik operatsiyasini boshdan kechirdi. Marston ichak saratoni bilan birinchi marta kurashayotgani yo‘q - oxirgi sakkiz yil ichida bu uchinchi jarrohlik operatsiyasi. 

Marston birdaniga o‘zini yomon his qila boshladi va qorin sohasidagi og‘riqdan arz qildi. Shifoxonaga yetkazilganidan so‘ng shifokorlar unda ichak o‘simtasini topishdi va bemorning yoshi katta bo‘lishiga qaramay unda jarrohlik operatsiyasi o‘tkazishga qaror qilishdi. Shunisi e'tiborga loyiqki, jarrohlar odatda yoshi ulug‘ insonlarni operatsiya qilishdan bosh tortishadi. 

Qirollik Bornmut shifoxonasi mutaxassislarining ta'kidlashicha, Marston - ular saraton kasalligidan davolashga to‘g‘ri kelgan eng yoshi katta bemor. Biroq ma'lumotlar bilan tanishib chiqqach, ular Marstonning saratondan davolanishga muvaffaq bo‘lgan dunyodagi eng yoshi ulug‘ bemor ekaniga ishonch hosil qilishdi. 

Viktor Marston beva. Uning ayoli Altsgeymer kasalligidan vafot etgan, qizi esa 58 yoshida o‘pka saratonining yengil shakliga chalinib, hayotdan ko‘z yumgan. Hozirda Marston operatsiyadan keyin o‘zini yaxshi his qilib, o‘z uyiga kelgan. U operatsiyaning muvaffaqiyatli o‘tganidan xursandligi va hozir o‘zini sog‘lom his etayotganligini aytib, hali "qiladigan ishlari ko‘pligi"ni bildirgan.