Amerikalik aktyor va musiqachi Jyek Blek a'zo bo‘lgan Tenacious D nomli rok-guruhi avvaliga aktyorning o‘limi haqida xabar tarqatib, keyin bu xabarni inkor qildi.
"Afsona tirik, xavotirlanmang", deya ikkinchi tvitni yozgan guruh akkaunti.
Yana bir tvitda esa bu shunchaki o‘yin bo‘lgani aytilgan.
"Tinchlaning yigitlar! Bu shunchaki o‘yin edi. Sizni yashirin kamera kuzatib turibdi", deyilgan unda.
Bir necha soat oldin ushbu akkaunt Jyek Blekning 46 yoshida to‘satdan vafot etgani haqida xabar tarqatgandi.
Oxirgi marta Jyek Blekni 3 iyun kuni Rock im Park musiqa festivalida ko‘rishgan.