Eurosport so‘rovnomasi: 75 foiz ishtirokchi O‘zbekiston Kanadani yengishiga ishonch bildirmoqda

Futbol bo‘yicha O‘zbekiston terma jamoasining 7 iyun kuni Avstriyaning Bad Valtersdorf shaharchasida Kanadaga qarshi o‘tkazadigan o‘rtoqlik uchrashuvi arafasida Eurosport saytida uchrashuv natijasi uchun so‘rovnoma o‘tkazildi.

O‘yin boshlanishiga yarim soat vaqt qolgandagi natijalarga ko‘ra, 75 foiz ishtirokchi o‘zbekistonliklarning g‘alabasiga ishonch bildirgan. Ayni vaqtga kelib so‘rovnomada qatnashganlar soni 295 nafar.

20 daqiqadan keyin boshlanadigan o‘rtoqlik o‘yinida Kanada terma jamoasi qizil, O‘zbekiston terma jamoasi ko‘k libosda o‘ynaydi.

Kanadaliklar bosh murabbiyi Benito Floro va o‘zbekistonliklar bosh murabbiyi Samvel Babayan uchrashuv uchun tarkibni ma'lum qilgan.

Kanada: 22.Stamatopulos, 3. Jyeyms, 4. Yakovich, 5. Edgar, 10. Hoylet, 12. Anri, 14. Piyet, 16. Arfild, 20. Uimett, 21. Larin, 23. Akindele

O‘zbekiston: 21.Aleksandr Lobanov, 2.Yegor Krimets, 8.Server Jyeparov, 9.Otabek Shukurov, 11.Igor Sergeyev, 13.Davronbek Hoshimov, 14.Javohir Sohibov, 15.Aleksandr Geynrix, 16.Akromjon Komilov, 20.Islom To‘xtaxo‘jayev, 23.Eldor Shomurodov.

Foto: daryo.uz