O‘zbekistonda butun dunyo bo‘ylab GM kompaniyasi uchun butlovchi qismlarni yetkazib beruvchilar taqdirlanadigan "GM Supplier Quality Excellence 2015" mukofoti taqdimoti marosimi bo‘lib o‘tdi.
"GM Operations Uzbekistan" prezidenti va boshqaruvchi direktori Xektor Villarreal, GM International hududiy yetkazib beruvchilari mahsulotining sifatini nazorat qilish va rivojlantirish direktori Jyeuel Shi hamda rahbariyat vakillari joylarda "GM Uzbekistan" yetkazib beruvchilari bilan ular tomonidan ishlab chiqariladigan mahsulotlarning yuqori sifati uchun 11 ta "GM Supplier Quality Excellence Award" mukofotni berish uchun uchrashdilar.
Ushbu mukofotga "Uz-DongJuPaint Co.", "Uz-Chasis", "Uz-Sungwoo" MChJ QK, "Uz-SaeMyung Co." YoAJ QK, "Uz-EraeCable" MChJ QK, "Uz-Dong Won Co." YoAJ QK, "Uz-Erae Climate Control" MChJ QK, "Kwangjin Autosistems" MChJ QK, "Dzhizak battery plant" OAJ korxonalari loyiq deb topildilar.
Janob Villarreal yetkazib beruvchilarga o‘z ishlariga sidqidildan yondashishlari va "GM Uzbekistan" muvaffaqiyatiga qo‘shayotgan hissalari uchun minnatdorchilik bildirdi. Kompaniya vakillari va Shi xonim birgalikda ishlab hal qilish mumkin bo‘lgan masalalarni o‘rganish va yaxshiroq anglash uchun bir qator yetkazib beruvchilar zavodlariga tashrif buyurdilar.