Qirg‘iziston iqtisodiyotiga kiritilgan xorijiy sarmoyalar miqdori bir yilda sezilarli o‘sgan, deb xabar qilmoqda Respublika iqtisodiyot vazirligi.
"2015 yilda bevosita xorijiy investitsiyalar 1,57 mlrd dollarni tashkil etgan, 2014 yili bu raqam 727 mln dollardan iborat bo‘lgan edi", - deyiladi ma'muriyat hisobotida. Shunga ko‘ra, uning o‘sishi yillik 116 foizni tashkil etgan. Xorijiy sarmoyalarning asosiy qismi Rossiya (515 mln dollar) va Xitoy (474 mln dollar) hissasiga to‘g‘ri kelgan.
"Pul mablag‘lari asosan, Bishkek shahri (741 mln dollar), Chuy viloyati (453 mln dollar) va Jalolobod viloyatiga (202 mln dollar) jalb etilgan", -deyiladi xabarda.