09:43 / 13.06.2016
13087

Shayx Zayniddin jome masjidiga ibodatga kelganlarga katta sharoitlar yaratilmoqda

Oylar shohi Mohi Ramazon sabab dillarimiz halovatdan, ko‘ngillarimiz xotirjamlik va shukronalik tuyg‘ularidan suv ichmoqda. Bu ham bo‘lsa, yurtimizdagi tinchlik-xotirjamlikning mevasi. Zero, yurti tinch,sarhadlari daxlsiz mamlakatda odamlar emin-erkin ibodat qiladi, o‘z ruhiy extiyojlarini qondiradi. Shukrki, yurtimizning barcha masjidlarida tarovih namozlari, Ro‘zai Ramazon ibodatlari emin-erkin ado etilmoqda. Buning uchun barcha shart-sharoitlar yaratib berilmoqda.

   Shu jumladan, Toshkent shahar Shayxontohur tumanidagi Shayx Zayniddin jome masjidi jamoasi bu yilgi Ramazon oyi ibodatlarini har yilgidan ko‘ra ko‘tarinkilik va yuksak ishtiyoq ila o‘tkazmoqda. Odilxon qori Yunusxon o‘g‘li boshchiligidagi masjidda ibodatga kelganlar uchun barcha shart-sharoitlar yaratilishiga katta e'tibor berilmoqda. Ibodat amallarining tinch va osoyishta o‘tishiga mas'ul bo‘lgan turli tashkilotlar vakillari bilan bahamjitlikda ish olib bormoqdalar.     Eng muhimi, bundan yurtdoshlarimiz xursand. Ana shunday qutlug‘, falak darvozasi ochiq bo‘ladigan ulug‘ damlarda yurtga tinchlik-farovonlik, dasturxonlarga to‘kinlik, qut-baraka so‘rab, duolar qilishmoqda.

Top