Калифорнияда юз берган кучли ёнғин туфайли 500 киши эвакуация қилинди
13:56 / 17.06.2016
2099

АҚШнинг Калифорния штатида кучли ёнғин содир бўлди, у Лос-Анжелес марказидан шимоли-ғарбга қараб тез тарқалиб кетди. Бу ҳақида CBS Los Angeles хабар берди. 

Ҳудудий Ёнғин хизмати департаментининг маълумотига кўра, оловнинг баландлиги баъзи жойларда 15 метргача етган. 

Ёнғин содир бўлган жой яқинидаги учта ҳудудда яшовчи тахминан 500 нафар киши ўз уйларини тарк этишган. Маҳаллий ҳукумат вакиллари бошқа аҳоли пункатларига ҳам вақтинчалик уйларини тарк этишни тавсия қилишди. 

Ёнғинни ўчириш ишларига вертолётлар жалб қилиниб, уларда 250дан ортиқ ёнғин хизмати ходимлари иштирок этишди. Табиий офатдан зарар кўрган кишилар учун Қизил Хоч эвакуация маркази ташкил этилди, шу билан бирга кичик ва катта жониворлар учун бошпаналар очилди.

Дастлабки тахминларга кўра, ёнғин автомобилнинг электр узатиш линиялари тўқнашуви натижасида юзага келган.


Улашинг
  • Теглар:
Top