Ёқутистонлик аёлни узоқ Тайгада тўлғоқ тутди: Барчаси кутилмаган тус олди
11:32 / 20.06.2016
5857

Ўтган дам олиш кунида ёқутистонлик шифокорлар чексиз Тайгада туғруқ жараёнини амалга оширишга мажбур бўлишди. Қутқарувчилар ва полиция ходимлари эса бўлажак она ҳамда шифокорларни айиқдан ҳимоя қилиб туришди. Бу ҳақда республика соғлиқни сақлаш вазирлиги хабар бермоқда.

Манбанинг хабар беришича, 40 ҳафталик ҳомиладор аёл эри ва қариндошларига балиқ тутишга ёрдамлашиш учун уларга қўшилади. Балиқчилар Тайгада жойлашган кўл томон йўл олишади. Шанба куни уни тўлғоқ тутади. Турмуш ўртоғи ва синглиси аёлни машинага жойлаштириб, шифохона томон йўлга тушишади. Аммо ярим йўлда машина ботқоққа ботиб, бузилиб қолади. Аёл синглиси билан ўрмонда қолади, эр эса мобиль оператор антеннасини қидириб йўлга тушади.

“Маҳаллий вақт билан соат 23:28да тез ёрдам марказига Тайга ичида бир аёлнинг кўзи ёриётгани ҳақидаги маълумот келиб тушди. Тез ёрдам, ФВВ ва полиция машиналаридан иборат карвон ёрдамга шошди”, - дейилади манба берган хабарда.

Маълумотларга кўра, туғруқ жараёни қийин кечган. ФВВ қутқарувчилари ва полиция айиқлар мавсуми бўлгани учун бўлажак онани қўлларига қурол олиб, қўриқлаб туришган.

Шифокорларнинг айтиўича, айни дамда она ва боланинг саломатлиги қониқарли. Бола 3,49 кг оғирликда, 52 см бўй билан туғилган.


Улашинг
  • Теглар:
Top