Bugun Yevropa chempionatida pley-off o‘yinlari boshlanadi. Ilk o‘yinda Shveytsariya hamda Polsha terma jamoalari o‘zaro bahslashishadi. O‘yin "Joffrua-Gishar" stadionida Toshkent vaqti bilan 18:00da boshlanadi. Uni angliyalik Mark Klattenburg boshqarib boradi.
Shveytsariya A guruhida mezbonlar Fransiya terma jamoasidan keyin ikkinchi o‘rinni egalladi. Jamoa guruhda ikkita durang va bir g‘alabaga erishdi. Polsha esa C guruhida Germaniyadan keyingi ikkinchi o‘rinni egalladi. Levandovski jamoasi guruhda ikkita o‘yinda g‘alaba qozondi va bir marta durang qayd etdi.
Shveytsariya hamda Polsha terma jamoalari o‘yinini ko‘rish imkoningiz bo‘lmasa, bizning saytimizda olib boriladigan onlayn translyatsiyani kuzatib boring.
TRIBUNA.UZ Shveytsariya – Polsha o‘yinidan onlayn translyatsiya