Toshkent shahridagi Inha universiteti 14 iyulga qadar hujjatlarni onlayn ravishda qabul qiladi

Toshkent shahridagi Inha universitetiga hujjatlarni onlayn ravishda topshirish 2016 yil 14 iyul kuni soat 17-00 da yakunlanadi. Bu haqda universitet matbuot xizmati xabar bermoqda.

Toshkent shahridagi Inha universitetiga o‘qishga kirishni rejalashtirgan abituriyentlar to‘rt kuni ichida onlayn ro‘yxatdan o‘tishlari zarur bo‘ladi. Abituriyentlar universitetning rasmiy veb-saytidan (https://inha.uz/en/howtoapply) ro‘yxatdan o‘tishlari mumkin.

Eslatib o‘tamiz, Toshkent shahridagi Inha universiteti abituriyentlardan hujjatlarni “Kompyuter va Dasturiy injiniring” hamda “Logistika” yo‘nalishlari bo‘yicha qabul qilmoqda.

2016-2017-o‘quv yilida Toshkent shahridagi Inha universiteti 250 nafar talabalarni “Kompyuter va Dasturiy injiniring” hamda 80 nafar talabani “Logistika” yo‘nalishiga qabul qilishni rejalashtirmoqda.