"O‘zbekiston temir yo‘llari" yaqinda Toshkent va Buxoro o‘rtasida tezkor poyezdlar faoliyatini yo‘lga qo‘yadi

"O‘zbekiston temir yo‘llari" AJ Samarqand-Buxoro hududida tezkor elektropoyezdlar harakatini tashkillashtirish loyihasini amalga oshirish ishlarini tugallaydi. 

"O‘zbekiston temir yo‘llari" AJ 2015 yilda mazkur loyihani amalga oshirish ishlarini boshlagan. Loyihani amalga oshirish Toshkent va Buxoro o‘rtasida tezkor temiryo‘l qatnovini tashkillashtirish imkonini beradi. Loyiha narxi taxminan 400 million dollarni tashkil qiladi. 

Loyiha tugallangandan so‘ng "Toshkent-Buxoro" yo‘nalishida ikkita tezyurar poyezdlar ishga tushiriladi. Yo‘lga ketadigan vaqt ikki barobar - 7-8 soatdan 3,5 soatgacha qisqaradi.

Shuningdek ushbu loyiha yoqilg‘i xarajatlarini kamaytirish va tabiatga zararli ta'sir ko‘rsatishni to‘xtatish imkonini beradi. Tezyurar poyezdlarni ishga tushirish yuk va yo‘lovchi tashish hajmini oshiradi. 

O‘tgan davr mobaynida uzunligi 140,2 kilometr bo‘lgan Marokand-Navoiy yangi yo‘nalish hududi barpo etildi. Navoiydan Buxorogacha bo‘lgan temiryo‘l soatiga 160 kilometrga harakatlanishga moslashtirilgan. Piyodalar o‘tish joylari, yo‘l o‘tkazgichlari, ko‘priklar va bekatlar kabi 220dan ortiq inshootlar qurildi.

Bundan avval yangi tezyurar temiryo‘l liniyasining 25 avgust kuni ekspluatatsiya qilinishi haqida xabar berilgandi. 

2015 yilning oktabrida "O‘zbekiston temir yo‘llari" AJ va Parentes Talgo S.A. umumiy qiymati 38 million yevro bo‘lgan tezyurar elektropoyezdlarni sotib olishga doir shartnomani imzolashgan. Hozirda xizmat ko‘rsatayotgan poyezdlardan farqli o‘laroq, yangilari qo‘shimcha yo‘lovchi vagoniga ega bo‘ladi (10tadan vagon, vagon-restoran ham shuning ichida).