Delta AirLines mijozlariga 200 dollarlik vaucherlar taqdim etadi

Amerikaning Delta AirLines aviakompaniyasi 8 avgust kuni o‘zining kompyuter tizimida yuz bergan nosozlik tufayli parvozlarning bekor qilinishi yoki 3 soatdan ko‘proqqa ushlanib qolgani uchun yo‘lovchilariga 200 dollarlik vaucherlarni taqdim etadi. Bu chora ularga yetkazilgan aziyat uchun tovondir, deyiladi aviatashuvchi bayonotida. 

Vaucherlardan aviakompaniyaning barcha parvozlari uchun chipta xarid qilishda foydalanish mumkin bo‘ladi.
 
"Bizning mijozlar, aniq va tartibli faoliyatimizni qadrlashadi. Bugun esa, biz ayni majburiyatimizni bajara olmadik. Biz yuzaga kelgan noqulaylik sababini aniqlaymiz va mijozlarimizdan uzr so‘raymiz", — deyiladi kompaniyaning bosh ijrochi direktori Jil Uest bayonotida.

Delta AirLines 8-avgust kuni 450dan ortiq reyslarini bekor qilgan, yana bir necha yuztasini kechiktirgan edi. 

AQShning Atlanta shahri elektr tarmog‘ida uzilish yuz bergani Amerika aviakompaniyasi kompyuter tizimida nosozlikni keltirib chiqargan. Shundan so‘ng, mijozlarga aeroportga bormasdan avval, o‘z parvozlarining holatini tekshirib ko‘rish tavsiya qilingan edi. Ayni chog‘da, havoda parvoz qilayotgan Delta AirLines samoolyotlariga bu nosozlik ta'sir qilmagan.