Qozog‘istonlik va xitoylik shtangachilar Olimpiadada jahon rekordlari o‘rnatishdi

Riodagi Olimpiadada og‘ir atletika bo‘yicha 77 kg vazn toifasidagi musobaqalarda birdaniga ikki shtangachi jahon rekordlarini yangilashdi. Qozog‘istonlik Nijat Raximov shtangani yelkaga olib ko‘tarishda 214 kg lik shtangani ko‘tara oldi va bu mashq bo‘yicha jahon rekordini o‘rnatdi. U ikki mashq natijasiga ko‘ra oltin medalni qo‘lga kiritdi. Uning natijasi: ikki mashqqa ko‘ra umumiy og‘irlik – 379 kg; dast ko‘tarish – 165 kg, yelkaga olib ko‘tarish – 214 kg.

Kumush medal xitoylik Lyuy Syaotszyunga nasib qildi (379 kg; 177 kg dast ko‘tarishda va 202 kg yelkaga olib ko‘tarishda). Syaotszyun dast ko‘tarishda 177 kg lik shtangani ko‘tarib, bu mashq bo‘yicha jahon rekordini yangiladi. 

Bronza medali misrlik Muhammad Mahmudga nasib qildi (361 kg; 165 kg dast ko‘tarishda va 196 kg yelkaga olib ko‘tarishda).