Rio-2016. Abdulla Tangriyev finalga chiqa olmadi va bronza uchun kurashadigan bo‘ldi

Rio Olimpiadasining dzyudo bahslarida eng yuqori vazn toifasida ishtirok etayotgan O‘zbekiston vakili Abdulla Tangriyev yarim final bosqichidagi ishtirokini yakunladi.

Chorak final bahsida qirg‘izistonlik Yuriy Krakovetskini ippon bahosi evaziga mag‘lub etgan Tangriyev dzyudo vatani hisoblanadigan Yaponiya vakili Xisayoshi Xarasavaga qarshi tatamiga chiqdi. 

Tangriyevda jang davomida toliqish alomatlari sezilib qoldi va hakam unga 4ta shido ogohlantirilishi ko‘rsatgach, bahs avtomatik ravishda yaponiyalik sportchi foydasiga hal bo‘ldi. Qolaversa bungacha yaponiyalik dzyudochi bitta yuko bahosi ishlagandi. 

Endi Abdulla Tangriyev bronza medali uchun kechadigan bahsda braziliyalik Rafael Silvaga qarshi kurashadi.