AQSh terma jamoasi Yozgi Olimpiadalar tarixidagi minginchi oltin medalini qo‘lga kiritdi

AQSh terma jamoasi Yozgi Olimpiya o‘yinlari tarixida minginchi oltin medaliga ega bo‘lgan ilk terma jamoa bo‘ldi.

"Yubiley" mukofotni amerikaliklarga Ketlin Beyker, Lilli King, Dana Vollmer va Simone Manueldan iborat suzuvchilar jamoasi keltirdi. Bu to‘rtlik Rio-2016 olimpiadasining  4x100 metr masofaga suzish bo‘yicha estafetasida 3.53,13 natijasini qayd etib, oltin medalga ega bo‘ldi. Bu AQSh delegatsiyasining Rio olimpiadasidagi 23-oltin medalidir.

Ayni vaqtda AQSh terma jamoasi 61ta medal (24-18-19) bilan medallar hisobi bo‘yicha umumiy ro‘yxatda yetakchilik qilmoqda.