Nitstsada odamlar ko‘z o‘ngida besh yulduzli mehmonxona top menejyerini o‘g‘irlab ketishdi

Fransiyaning Nitstsa shahrida joylashgan Le Grand Hotel besh yulduzli mehmonxona direktorlar kengashi a'zolaridan birini o‘g‘irlab ketishdi. BFMTV bergan ma'lumotga ko‘ra, voqea 24 oktabr kuni kunduzi, shahar markazida sodir bo‘lgan.

Noma'lum kimsalar odamlar ko‘z o‘ngida 76 yashar Jaklin Veyrani o‘z uyi yonida avtomobilga solib olib ketishgan. Huquqni muhofaza qilish organlari xodimlari shu paytga qadar ayolni topa olishmayapti. Nitstsa prokurori Jan-Mishel Pretrning so‘zlariga ko‘ra, mazkur holat yuzasidan jinoiy tashkilot tarkibida odam o‘g‘irlash moddasi bo‘yicha jinoiy ish qo‘zg‘atilgan.

BFMTV’ning ma'lum qilishicha, 2013 yilda ham uni shu yerda o‘g‘irlashga harakat qilib ko‘rishgan.