So‘nggi 40 yil ichida sayyoradagi jonivorlar soni 60 foizga kamaygan

Sut emizuvchilar, qushlar, baliqlar,  amfibiya va sudralib yuruvchilarning ko‘payishi 1970 yildan beri deyarli 60 foizga qisqargan. Bu haqda Butunjahon yovvoyi tabiat jamg‘armasining hisobotida keltirilgan.

Jamg‘arma London zoologiya jamiyati bilan  hamkorlikda ko‘plab hayvonlar turining sonini aks ettiruvchi indeksni hisoblaydi. 1970 yildan 2012 yilga qadar indeks 58 foizga qisqarib ketgan.

Jamg‘arma qayd etishicha, 2020 yilga kelib indeks 1970 yil bilan qiyoslaganda 67 foizga kamayishi mumkin.

WWF hayvonlar sonining qisqarishiga insonlar faoliyati sababchi ekanini qayd etmoqda.  Odamlar yerning ko‘p qismini fermerlik ishi va shaharlar qurilishi uchun olib qo‘ymoqda. 

Hayvonlarning yo‘qolib ketishiga atrofdagi olamning ifloslanishi, iqlim o‘zgarishi, ovchilik, shuningdek, atrof-muhitga noodatiy o‘simlik va hayvonlarning keltirilishi sabab bo‘lmoqda. 

"Biz yer tarixidagi yangi davr - antropotsenga kirmoqdamiz", -  WWF bosh direktori Marko Lambertini. Bu atama sayyora ekotizimi inson faoliyatiga bog‘liq bo‘lgan geologik erani anglatadi.

Hisobotda aytilishicha, biologik xilma-xillik sog‘lom o‘rmon, daryo va okeanlarning asosi sanaladi.

Hisobotga ko‘ra, eng ko‘p yo‘qotishlar ko‘l, daryo va botqoqlikda yashovchi hayvonlarda kuzatilgan. 40 yil ichida toza suv ichida yashovchi hayvonlarning ko‘payishi 81 foizga qisqargan.

Jamg‘arma Afrikadagi fillar soni va juda faol baliq ovlash tufayli akulalar soni ham sezilarli darajada kamayganini qayd etdi.