Germaniya TIV rahbari: Kim Chen In tentak emas
GFR tashqi ishlar vaziri Zigmar Gabriel Shimoliy Koreya bilan to‘g‘ridan-to‘g‘ri muzokaraga chaqirdi hamda KXDR yetakchisi Kim Chen In «tentak emasligini» ma'lum qildi. Gabriel bu haqda Bild gazetasiga bergan intervyusida aytib o‘tgan.
«Kim Chen In tentak emas. U ehtiyotkorlik bilan ishlab chiqilgan strategiyaga amal qilmoqda. Uning fikricha, agarda atom bombasiga ega bo‘lsa, rejimi xavfsiz holatda turadi», - degan Germaniya TIV rahbari.
U AQSh, Rossiya va Xitoyni to‘g‘ridan-to‘g‘ri muzokaralar tashabbusi bilan chiqishga chaqirdi. Muzokaralarda KXDRga «xavfsizlikni atom bombasidan boshqa imkoniyatlar bilan ta'minlash kafolatlari taqdim etilishi lozim».
Shuningdek, Gabrielning taxminicha, BMT Xavfsizlik Kengashi tomonidan Shimoliy Koreyaga nisbatan joriy etilgan sanksiyalar o‘z ishini beradi. Uning so‘zlariga ko‘ra, xuddi Eron bilan vaziyatdagi kabi, buning uchun biroz vaqt talab etiladi.
Avvalroq Donald Tramp AQSh KXDRga qarshi kuch qo‘llashning samarali variantlarini ishlab chiqqani haqida ma'lum qilgandi.
Mavzuga oid
18:21 / 19.09.2024
Do‘stona davlatlar bo‘ylab turne. Shoyguning KXDR, Eron va Suriyaga tashriflari ortida nima bor?
14:33 / 10.09.2024
Shimoliy Koreya yadroviy salohiyatini sezilarli darajada oshiradi
22:11 / 31.08.2024
Putin Kim Chen Inga 24 bosh ot sovg‘a qildi
13:11 / 28.08.2024