AQSh FTB va Adliya vazirligida Trampga qarshi «maxfiy guruh» bo‘lgan – OAV

AQSh Adliya vazirligi va Federal tergov byurosida 2016 yilgi saylovoldi kampaniyasidan so‘ng “maxfiy guruh” bo‘lgan bo‘lishi mumkin, u Qo‘shma Shtatlar prezidenti Donald Trampga qarshi harakat qilgan, deb xabar bermoqda Fox News.

Vakillar palatasi a'zolari Jon Ratkliff va Trey Goudining xabar qilishicha, maxsus prokuror Robert Myuller va FTB xodimlari Piter Strzok hamda huquqshunos Liza Peyjning o‘zaro yozishmasida shu haqda so‘z boradi.

“Bugun biz shunday ma'lumotni oldikki, saylovdan so‘ng Adliya vazirligi va FTB doirasida maxfiy hamjamiyat faoliyat yuritgan bo‘lishi mumkin. Peyj va Strzok ham uning ichida bo‘lgan, bu Trampga qarshi qaratilgan”, - deya aytib o‘tgan Ratkliff.

Goudining ta'kidlashicha, hamjamiyat nomi birinchi marta Tramp g‘alabasidan bir kun o‘tib tilga olingan.

Eslatib o‘tamiz, avvalroq Tramp Davosda kimlar bilan uchrashishi va nimalarni muhokama qilishi ma'lum bo‘lgandi.