Tokio markazida xato tufayli terakt xavfi e'lon qilindi

Tokioning markaziy tumanida xato tufayli terakt xavfi e'lon qilindi, deb xabar bermoqda RIA «Novosti».

Ertalabki soatlarda Yaponiya parlamenti binosi va imperator saroyi joylashgan Tiyoda tumanida radiokarnay orqali terrorchilik xavfi haqida xabar berilgan.

«Bugun mahalliy vaqt bilan soat 09:45 (Toshkent vaqti bilan soat 05:45)da keng ko‘lamli terrorchilik xuruji xavfi haqida tarqatilgan ma'lumot yolg‘on bo‘lgan. Biz uzr so‘raymiz», - deyiladi tuman ma'muriyatining rasmiy saytidagi xabarda.

Kiodo agentligining ta'kidlashicha, xato ogohlantirish uskunalarni tekshirayotgan xodimlardan birining aybi bo‘lgan bo‘lishi mumkin.

Eslatib o‘tamiz, avvalroq amerikalik olimlar Vashington markazida besh kilogramm keluvchi yuqori to‘yintirilgan uranning portlashi oqibatlarini modellashtirishgandi.