Jizzaxda qotillik, qorovul ombor mudirini pichoqladi

26 may kuni Jizzax viloyatining Do‘stlik tumanida qotillik yuz berdi, deb xabar qilmoqda O‘zbekiston Respublikasi IIV jamoatchilik va ommaviy axborot vositalari bilan aloqalar boshqarmasi.

Qayd etilishicha, shu tumanda yashovchi, “Qishloqxo‘jalikkimyo” AJ qorovuli, A.T. mast holda shu jamiyat ombor mudiri A.R.ning uyida u bilan o‘zaro janjallashib, uning chap ko‘krak qismiga pichoq bilan urib jarohat yetkazgan. 

Natijada A.R. voqea joyida vafot etgan. A.T. qo‘lga olingan.

Eslatib o‘tamiz, avvalroq Toshkent shahrida yo‘lovchi qotillar qo‘lga olingani xabar berilgandi.