13:00 / 26.05.2018
31204

Yo‘lovchi qotillar qo‘lga olindi - IIV

24 may kuni Toshkent shahrida qotillik yuz berdi, deb xabar qilmoqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi.

Qayd etilishicha, Sergeli tumanida yashovchi, muqaddam sudlangan, V.K. va Toshkent viloyati Chirchiq shahrida yashovchi, muqaddam sudlanganlar  P.K. va E.S., haydovchi J.R. boshqaruvidagi “Matiz” rusumli avtomashinaga yo‘lovchi sifatida o‘tirib, Sergeli tumaniga kelishgan.

Shunda V.K. haydovchi J.R.ning bo‘yin qismidan bo‘g‘gan vaqtida P.K. va E.S. uning ko‘krak qismiga pichoq bilan urib o‘ldirib, jasadni voqea joyiga tashlab, Chirchiq shahriga borib J.R.ga tegishli pullarni hamda mobil telefonini olib, avtomashinani tashlab qochib ketganlar. 

Ko‘rilgan tezkor choralar natijasida V.K., P.K va E.S. qo‘lga olingan.

Top