«Rossiyaning beqarorlashtiruvchi harakatlari Ukraina iqtisodiyotiga zarar yetkazmoqda»

Yevropa komissiyasi vitse-prezidenti Valdis Dombrovskisning Yevroparlamentdagi eshituvlarda ma'lum qilishicha, Ukrainaga makromoliyaviy yordam taqdim etishda mamlakatda korrupsiya bilan kurash majburiy shart sanaladi. 

«Korrupsiya bilan kurash o‘zaro anglashuv to‘g‘risidagi memorandumda siyosiy shartlar markazida bo‘ladi, u Yevroittifoq va Ukraina o‘rtasida bu moliyaviy yordam uchun muvofiqlashtirilishi kerak», - dedi Dombrovskis.

Uning qo‘shimcha qilishicha, Ukrainadagi iqtisodiy vaziyat hamon «nozik» bo‘lib turibdi, ammo asta-sekin tiklanmoqda. Shuningdek, Dombrovskis Rossiyaning Ukraina sharqidagi «beqarorlashtiruvchi harakatlari» iqtisodiy holatga zarar yetkazayotganini ta'kidlagan.

«Ukrainaga qisqa muddatlar ichida makromoliyaviy yordam dasturini ishga tushirish muhim», - deya xulosa qildi YeK vitse-prezidenti.

Dombrovskisning qayd etishicha, Yevropa davlatlari Ukrainaga iqtisodiyotni tiklashda «muvaffaqiyatsizlikka uchrashga» imkon bermaydi.

Eslatib o‘tamiz, avvalroq ukrainalik deputat Rossiyani qanday qilib mag‘lub etish mumkinligini aytgandi.