Pompeo va Xitoy tashqi ishlar vaziri KXDRni muhokama qildi

Foto: Mohd Rasfan/Reuters

AQSh davlat kotibi Mayk Pompeo va Xitoy tashqi ishlar vaziri Van I Koreya yarim orolining yadrosizlanish masalasini muhokama qildilar. Bu haqda Davlat departamentining saytida ma'lum qilindi.

«Pompeo AQSh va Xitoy o‘rtasidagi konstruktiv aloqalarni davom ettirish muhimligini ta'kidladi, u jiddiy natijalarga olib kelyapti», - deyiladi xabarda.

Ta'kidlanishicha, AQSh davlat kotibi KXDRning butunlay yadrosizlanishi tarafdori ekanligini yana bir alohida qayd etib o‘tgan.

Shu bilan birga, Pompeo va Van I ikki mamlakat o‘rtasidagi ikki tomonlama munosabatlardagi ustuvor yo‘nalishlarni muhokama qildilar.

Eslatib o‘tamiz, avvalroq Xitoy tashqi ishlar vaziri Van I hech bir mamlakat Koreya yarim orolida urush qayta boshlanishini istamasligi haqida ma'lum qilgandi.