Xitoy: Koreya yarim orolida yana bir urush bo‘lishini hech kim xohlamaydi

Foto: REUTERS / Jason Lee

Xitoy tashqi ishlar vaziri Van Ining ma'lum qilishicha, hech bir mamlakat Koreya yarim orolida urush qayta boshlanishini istamaydi. Bu haqda Xitoy Tashqi ishlar vazirligi veb-saytida xabar berilgan.

Uning so‘zlariga ko‘ra, KXDR va Janubiy Koreya ham, AQSh ham urushning takrorlanishini xohlamaydi.

Shuningdek, uning qo‘shimcha qilishicha, Shimoliy Koreya va Janubiy Koreya o‘rtasidagi urush rasmiy ravishda yakunlangani haqida e'lon qilish vaqti keldi.

Vazirning ta'kidlashicha, bunday hujjatning e'lon qilinishi «zamonaviy tendensiyalarga» mos keladi.

Eslatib o‘tamiz, avvalroq KXDR va Janubiy Koreya qurolsizlantirilgan hudud bo‘yicha muhim kelishuvga erishgandi.