Daryoda cho‘milayotgan o‘smirni timsoh g‘ajib tashladi

Zimbabveda timsoh daryoda cho‘milayotgan o‘smirni g‘ajib tashladi. Bu haqda mahalliy The Herald nashri xabar berdi.

Voqea Midlends viloyatidagi Torvud qishlog‘ida sodir bo‘ldi. Timsoh hujum qilgan paytda 14 yoshli Ali Firi Kvekve daryosida uch do‘sti bilan cho‘milayotgan bo‘lgan. Do‘stlaridan biri unga yordam berishga shoshilgan, qolgan ikkitasi esa odamlarni yordamga chaqirgani chopishgan. Yordamga yetib kelgan kattalar Firini timsoh og‘zidan tortib olish uchun daryoga o‘zlarini otishgan, ammo kech bo‘lgandi. 

Taxminlarga ko‘ra, Kvekve daryosida oltita timsoh yashaydi, ular keyingi yillarda kamida olti kishining umriga zomin bo‘lgan.