AQSh va Xitoy ikki kunlik savdo muzokaralarini yakunladi

Amerika Qo‘shma Shtatlari va Xitoy vakillari ikki kunlik savdo muzokaralarini yakunladi. Bu haqda Reuters Oq uy bayonotiga tayangan holda xabar bermoqda.

Ta'kidlanishicha, muzokaralar chog‘ida tomonlar «iqtisodiy munosabatlarda adolat, muvozanat va o‘zaro hamjihatlikka erishish» masalalarini muhokama qilishdi.

Shuningdek, bayonot mualliflari muzokaralarda ishtirok etish uchun Qo‘shma Shtatlarga vakillari tashrif buyurganligi uchun Xitoy delegatsiyasiga minnatdorlik bildirdi.

Eslatib o‘tamiz, avvalroq AQSh va Xitoy savdo urushida zarbalar almashgani xabar qilingandi.