Andijonda toza suv isrofini kim to‘xtatadi?

Birlashgan Millatlar Tashkilotining ma'lumotiga ko‘ra, yuqumli kasalliklarning 80 foizdan ortig‘i ichimlik suvi sifatining pastligi hamda suv ta'minotida sanitar – gigiyenik qoidalarning buzilishlari bilan bog‘liq.

{Yii::t(}

O'tkazib yuborish 6s

O'tkazib yuborish

— Bugun dunyo aholisining  3 mlrd.ga yaqini ifloslangan suv iste'mol qilmoqda va buning oqibatida ularning deyarli 2 milliardi turli xastaliklarga chalingan.

— Bugungi kunda Yer yuzidagi daryolarning yarmiga yaqini ifloslangan, ularning resurslari tugab bormoqda.

— Shuningdek, Yer sharidagi botqoqliklar maydoni va ichki suv resurslari qisqarmoqda. Ma'lumotlarga qaraganda, har kuni dunyoda 6 ming bola  sanitariya – gigiyena qoidalariga mutlaqo to‘g‘ri kelmaydigan suv iste'mol qilganliklari tufayli barvaqt halok bo‘lmoqda.

— Chuchuk suv manbalari ifloslanishining asosiy sabablari urbanizatsiya, sanoat, maishiy–kommunal xo‘jaliklari va boshqa ishlab chiqarish korxonalarining jadal rivojlanishi bilan bog‘liq. O‘g‘it va zaharli kimyoviy moddalar ishlatilgan ekin maydonlaridan oqib chiqqan suvlar, chorvachilik fermalaridan oqib chiqadigan suvlar va boshqalar shular jumlasidandir.

— Hisob-kitoblarga ko‘ra, 2020 yilga borib O‘zbekiston Respublikasi aholisi 32 mln. kishiga yetishi, mavjud suv zaxiralarininig hajmi esa 15-20 foizi kamayishi kutilmoqda.

Ushbu safarimiz bugungi kundan ancha avval bo‘lgandi. Isrof bo‘lgan suvning qadrini esa o‘zingiz o‘lchab olavering. Dastavval, Andijon viloyatiga kirishda, Muqimiy ko‘chasiga yondosh bo‘lgan hududda, xalq tili bilan aytganda, Jalabek, aeroport ko‘chada suv quvuridan sizib emas, oqib chiqmoqda. Yo‘lovchilar yo‘li va katta yo‘l suvga g‘arq to‘lgan.

Keyingi manzil Andijon shahar 5-kichik daha ko‘chasi bo‘ldi. Bu yerda ham quvur ichidan avariyaviy holda suv trubasi ta'mirlanmagan. Shunchaki birov bilmasin uchun suvni kanalizatsiyaga oqizib quygan.

Eng achinarlisi, keyingi manzillarda bo‘ldi. Andijon shahar, Boburshoh ko‘chasi, Andijon viloyati hokimligini yonginasi avariyaga uchragan toza suv trubasi qo‘lbola usulda oqava suv arig‘iga oqizib qo‘yilgan. Tajribadan kelib chiqib aytish mumkinki, bu yerda har 3 soniyada bir chelak suv isrof bo‘ladi.   

Keyingi manzil Soy dahasi. Bu yerda ham ahvol ayanchli. Soy dahasining markazida e'tiborimizni 3 nuqta oldi. Birida yorilgan suv trubasi soyga oqiziladi. Tonna-tonna toza suv isrof bo‘lmoqda. Shuningdek, katta soydan qulochdek keladigan ulkan suv quvuri yoriq tufayli ajib fontan vujudga kelgan. Odamlarga esa uzoq kunlardan beri “zavq” ulashmoqda. Yana biri soy hududidagi bozorcha orqasidagi ko‘chada. Bolalarning quvonchi bo‘layotgan suv aslida suv quvuridan oqib chiqmoqda. Yana necha necha tonna suv isrof bo‘lmoqda.