Tataristonda O‘zbekiston madaniyati kunlari bo‘lib o‘tadi

28-30 sentabr kunlari Tataristonda O‘zbekiston madaniyati kunlari o‘tkaziladi, deb xabar berdi Tatariston madaniyat vazirligi matbuot xizmati.

Xabarga ko‘ra, 29 sentabr kuni Musa Jalil nomidagi Tatariston davlat akademik opera va balet teatrida O‘zbekiston madaniyati kunlarining tantanali ochilish marosimi bo‘lib o‘tadi.

«Kontsertda o‘zbekistonlik mehmonlar – Alisher Navoiy nomidagi Davlat Akademik katta teatri solistlari va artistlari, «Tumor» raqs ansambli chiqish qiladi. Shuningdek, milliy qo‘shiqlar, milliy musiqa asboblarida kuylar, rus, o‘zbek va xorij bastakorlari musiqalari ijro etiladi. Teatr foyesida «Zamonaviy O‘zbekiston» fotoko‘rgazmasi o‘tkaziladi, - deyiladi xabarda.