Aksariyat ayollar o‘z kuchiga ishonmay, karerada yuqorilashdan voz kechadi. Bu holat uchun hatto maxsus atama ham paydo bo‘lgan — Confidence gap. Shunday bo‘lsa-da, bunga qarshi kurashish mumkin, deyiladi Forbes’da.
Bir necha yil avval McKinsey kompaniyasi gender xilma-xillikka bag‘ishlangan global tadqiqot monitoringi natijalarini taqdim etgandi. Kompaniyalar rahbarlarining aksariyati ayollarni ishga yollash va o‘rgatish bo‘yicha qo‘shimcha choralar qabul qilayotganini ma'lum qilgan. Shunga qaramay, top-menejmentda erkaklar va ayollar o‘rtasida sezilarli tafovut saqlanib qolmoqda. Ayol-respondentlar individual darajada karera bilan bog‘liq umidlari erkak hamkasblaridagi kabi katta emasligini qayd etishgan: tadqiqotga ko‘ra, o‘rta zveno rahbarlari pozitsiyasini egallovchi ayollarning 79 foizi top-menejment darajasiga yetishish istagini bildirgan. Erkaklar orasida bundaylar 81 foizni tashkil qilgan. Bundan tashqari, ayollarning uchdan ikki qismi kareradagi yutuqlar uchun shaxsiy hayotning ma'lum bir qismini qurbon qilishga tayyor ekanligini ma'lum qilgan. Shu bilan birga, o‘rta zvenodagi ayol-rahbarlarning 69 foizi top-pozitsiyalarni egallashda o‘zlariga ishonishlarini ta'kidlagan, erkaklarda esa bu ko‘rsatkich 83 foizni tashkil qilgan.
Gap detallarda
Zamonaviy ijtimoiy va gender nazariyalarda, ayniqsa kompaniya va personalni boshqarishga e'tibor qaratuvchi nazariyalarda, confidence gap tushunchasi mavjud, bu o‘ziga bo‘lgan ishonchsizlik, ya'ni ayollarning erkak hamkasblari bilan raqobatda o‘z kuchiga ishonmasligini anglatadi. O‘ziga bo‘lgan ishonchsizlik ayollarni tanlangan karera yo‘lidagi shubha-gumonlar, “soya”da qolishga intilish, katta loyihalarda ishtirok etishni istamaslik, rahbar vazifasini bajarish kabilarga olib keladi. Ta'kidlash joizki, o‘z kuchiga shubha qilish erkaklarga ham xos, lekin xatti-harakatlardan aynan ayollar voz kechishadi.
Hewlett Packard’ning ichki tadqiqotlari ko‘rsatishicha, erkaklar ko‘rsatilgan talablarning hech bo‘lmaganda 60 foizi to‘g‘ri kelsa, karerada yuqorilashga da'vo qilishar ekan, ayollar esa – faqat 100 foiz muvofiqlikda.
Shimoliy Illinoys universiteti tadqiqotlariga ko‘ra, ko‘p ayollarga nafaqat o‘ziga bo‘lgan ishonchsizlik, balki o‘z ish natijalarini oldindan baholash va har qanday salbiy baholardan qochishga bo‘lgan urinish ham karerada yuqorilashga yo‘l bermaydi.
