Prezident Gurbanguli Berdimuhamedov viloyatlar bo‘yicha kuratorlar va qator vazirlarni tayinladi, deb xabar berdi «Xronika Turkmenistana» nashri.
Nashrning ma'lumot berishicha, prezident qaroriga muvofiq, Axal, Bolqon, Toshhovuz, Lebop, Mariy viloyatlari va Ashxobod shahri bo‘yicha kuratorlar tayinlangan.
Sanoat va kommunikatsiya majmuini nazorat qilish Mammetxonu Chakiyevga topshirilgan.
Tohirberdi Durxanov sanoat va kommunikatsiya vazirligi rahbari etib tayinlangan.
To‘qimachilik sanoati vaziri etib Rasul Rajapov, qishloq xo‘jaligi va atrof-muhitni muhofaza etish vaziri etib Maktimguli Bayramdurdiyev tayinlangan.
Davlat suv xo‘jaligi qo‘mitasiga rahbarlik qilish Annageldi Yazmiradovga topshirilgan.
Davlat sug‘urta tashkilotiga Guvanch Nurmuhammedov bosh direktor bo‘lgan.
