O‘zbekiston MDHning ekskursion turizm uchun eng yaxshi davlatlari ro‘yxatidan joy oldi

TurStat agentligi o‘tkazgan so‘rov va tadqiqotlar natijasi bo‘yicha MDHning ekskursion turizm uchun eng yaxshi davlatlari reytingi e'lon qilindi.

Reytingda birinchi o‘rinni Belarus oldi. O‘zbekiston mazkur reytingda 12 foiz ovoz bilan to‘rtinchi o‘rinda joylashdi.

Qozog‘iston ikkinchi (22 foiz), Ozarboyjon esa uchinchi o‘ringa (16 foiz) loyiq topildi. Yuqori beshlikni Armaniston 9 foiz ovoz bilan yakunlagan.

TurStat ma'lumotiga ko‘ra, MDH davlatlarida ekskursion turizm yiliga uch milliondan ortiq ekskursion safar va turlarni o‘z ichiga oladi.

Avvalroq O‘zbekiston Wanderlust World Guide Awards tanlovining "Eng tez rivojlanayotgan turistik yo‘nalish" (Tor emerging destination) nominatsiyasida g‘olib deya e'tirof etilgandi.