Toshkentda yana 30ta yangi avtobus aholiga xizmat ko‘rsatishni boshlaydi

2019 yil davomida «Toshshahartransxizmat» AJ tarkibidagi avtobus saroylariga 200 tadan ziyod yangi avtobuslar keltirilishi rejalashtirilgan.

Toshkent shahar hokimligi matbuot xizmati xabariga ko‘ra, kuni kecha shundan 30 ta katta sig‘imdagi «MAN» rusumli avtobuslar olib kelindi.

Keltirilayotgan avtobuslar yo‘lovchi oqimi, shuningdek, aholi talabidan kelib chiqib yo‘nalishlarga biriktiriladi. Shu tariqa harakat tarkibi yangilanib boradi, deyiladi xabarda.

Eslatib o‘tamiz, avvalroq Toshkentda nogironligi bo‘lgan shaxsga pandusni tushirib bermagan avtobus haydovchilari jazolangandi.