Yaponiyada ishlashni istovchilar o‘rtasida tanlov Toshkentda bo‘lib o‘tadi

«EUROASIA INNOVATION» xususiy bandlik agentligida 17 mart kuni yapon tilini bilish darajasini aniqlash bo‘yicha imtihon bo‘lib o‘tadi. Uning natijalari asosida qator yapon kompaniyalariga ishchilar saralab olinadi.

Imtihon Japanese Language Proficiency Test (JLPT) tizimi asosida o‘tkaziladi. Nomzodlarga qo‘yiladigan talablar: yoshi 35 gacha bo‘lishi, jismonan sog‘lom, tilni bilish darajasi kamida N4 bo‘lishi kerak. Tashkilotchilarning aytishicha, imtihondan o‘tgan hamyurtlarimiz yaponiyalik ish beruvchilar bilan to‘g‘ridan-to‘g‘ri suhbatda qatnashib, ishga olingan taqdirda yo‘l xarajatlariga 3.000.000 so‘mlik chegirmaga ega bo‘lishadi. 

Shu kunning o‘zida «EUROASIA INNOVATION» xususiy bandlik agentligi vakillari Yaponiyada qonuniy ishga joylashish bo‘yicha prezentatsiya o‘tkazishadi. Unda yapon tilini bilish darajasidan qat'iy nazar barcha qatnashishi mumkin. Tilni bilmaydigan hamyurtlarimiz uchun «EUROASIA INNOVATION» maxsus kurslarida ta'lim olish imkoniyati beriladi. 

Joylar soni chegaralanmagan. Tanlov 17 mart kuni soat 9:30 da quyidagi manzilda bo‘lib o‘tadi: 

Toshkent shahri, Chilonzor tumani, Chilonzor ko‘chasi, 83 uy, mo‘ljal – «Qozirobod» masjidi.

Ro‘yxatdan o‘tish va boshqa masalalar bo‘yicha ushbu raqamga murojaat qilishingiz mumkin: 

+99871-200-96-66

Reklama huquqi asosida