Turkiya AQShdan uni F-35 ishlab chiqarishdan chetlashtirmaslikni so‘radi

Turkiya AQShdan uni F-35 qiruvchi samolyotlarini ishlab chiqarish dasturidan chetlashtirmaslikni so‘radi.

"Turkiya Qo‘shma Shtatlarni F-35 dasturidan chetlashtirish bo‘yicha xatosini to‘g‘rilashga chaqiradi. Bu xato munosabatlarning o‘nglab bo‘lmas darajada buzilishiga olib kelishi mumkin", - deyiladi Turkiya TIV bayonotida.

"Asosiy hamkorlardan biri bo‘lgan Turkiyaning F-35 ishlab chiqarish bo‘yicha dasturdan chetlashtirilishi adolatsizlikdir. Shuningdek, S-400 tizimi F-35 samolyotlarini zaiflashtiradi degan ta'kidlar ham asossiz", - deb ta'kidlagan TIV.

Avvalroq Turkiya prezidenti Rajab Tayyib Erdo‘g‘an AQShning Anqaraga F-35 qiruvchi samolyotlarini yetkazib berishdan bosh tortishini "talonchilik" deb atagandi.