Fransuz uchar doskada La-Mansh bo‘g‘ozini kesib o‘tib Buyuk Britaniyagacha bordi 

Fransiyalik Franki Zapataning La-Mansh bo‘g‘ozini uchar doskada kesib o‘tish uchun qilgan ikkinchi urinishi muvaffaqiyatli bo‘ldi.  

Uning havodagi parvozi 20 daqiqa davom etdi, u uchar doskada 35 kilometr masofani bosib o‘tdi. Zapata Sangat kommunasi yaqinida havoga ko‘tarildi va Buyuk Britaniyadagi Sent-Margaret Bey shahri yaqinida qo‘ndi.

Zapataning parvozini Fransiya telekanallari namoyish etdi.

Zapata 14 iyul kuni Yelisey maydonida Bastiliyaning olinishi bayrami tantanalarida mashhur bo‘lib ketgandi. U o‘shanda o‘zining uchar doskasida Kelishuv maydoni uzra parvoz qilib barchani hayratga solgan.