O‘zbekiston granit va marmarlari Italiya ko‘rgazmasida namoyish etilmoqda

Italiya granit va marmar mahsulotlari bilan dunyoga dong taratgan. Bu yerda nafaqat granit va marmar tarashlanadi, balki sifatli mahsulotlar butun dunyo bo‘ylab mijozlarga yetkazib beriladi. Shu bilan birga, mamlakatda nafaqat marmar mahsulotlar ishlab chiqariladi, balki bunday mahsulotlarni ishlab chiqaruvchilar ishtirokida yirik ixtisoslashtirilgan ko‘rgazmalar ham tashkil etiladi.

Sohaning shunday keng qamrovli ko‘rgazmalardan biri 25 sentabr kuni Italiyaning Verona shahrida boshlandi. Bir yilda bir marotaba o‘tkaziladigan nufuzli «MARMOMAC-2019» butun jahon granit va marmar ko‘rgazmasida O‘zbekistonning ilk va yagona vakil «IMPERIAL GRANIT» mas'uliyati cheklangan jamiyati o‘z mahsulotlari bilan qatnashmoqda.

Qayd etish o‘rinliki, «MARMOMAC-2019»da jahonning granit, marmar va tabiiy toshlarni qayta ishlab chiqaruvchi eng salohiyatli korxonalari ishtirok etadi.

Shu o‘rinda ta'kidlash o‘rinliki, O‘zbekistonning «IMPERIAL GRANIT» mas'uliyati cheklangan jamiyati O‘rta Osiyoda Italiyaning eng ilg‘or kompaniyalari tomonidan yetkazib berilgan texnologiyalar bilan jihozlangan holda ishlab chiqarishni yo‘lga qo‘ygan eng yirik korxonalardan biridir.

Hozirgi kunda MChJ mahalliy xaridorlarga ularning talab va istaklari asosida O‘zbekiston marmar toshlari xomashyosidan tayyorlangan granit va marmar mahsulotlarini yetkazib bermoqda. Qolaversa, tayyor mahsulotlarning bir qismi eksportga ham yo‘naltiriladi.

Qo‘shimcha ma'lumotlar olish uchun: imperialgranite.uz

Reklama huquqi asosida