Qoʻshimcha funksionallar
-
Tungi ko‘rinish
O‘zbekistonga koronavirusga qarshi kurashda ko‘maklashish uchun turkiyalik mutaxassislar kelmoqda
Bugun, 27 avgust kuni Turkiyadan 16 nafar tajribali mutaxassislardan iborat tibbiy guruh koronavirusga qarshi kurashda hamkorlikda faoliyat ko‘rsatish va tajriba almashish uchun O‘zbekistonga tashrif buyuradi. Bu haqda Sog‘liqni saqlash vazirligi matbuot xizmati xabar berdi.
Foto: Sog‘liqni saqlash vazirligi axborot xizmati
“Turkiyalik shifokorlar tashrif davomida yurtimiz shifokorlari bilan birgalikda yurtimizning qator hududlaridagi ixtisoslashgan shifoxonalar, tibbiy markaz va laboratoriyalar faoliyati bilan yaqindan tanishish, koronavirusga chalingan bemorlarni davolashda faol ishtirok etishlari ko‘zda tutilgan”, deyiladi xabarda.
Avvalroq Rossiyaning Rospotrebnadzor mutaxassislari guruhi O‘zbekistonga koronavirusga qarshi kurashda yordam berish uchun kelgani xabar qilingandi.
Guruh umumiy hisobda 7 mutaxassisdan iborat bo‘lib, ular orasida epidemiolog, virusolog, infeksionistlar bor. Ular Respublika sanitariya-epidemiologik osoyishtalik Agentligi va uning bo‘ysunuvidagi tashkilotlarda ish olib borishadi.
Rossiyalik mutaxassislar 23 avgustdan 5 sentyabrgacha koronavirusga qarshi kurash bo‘yicha konsultativ yordam beradilar.
Koronavirus O‘zbekistonda
Mavzuga oid
08:20 / 20.05.2026
O‘zbekiston suv iste’moli yuqori davlatlar reytingiga kirdi
18:32 / 15.05.2026
O‘zbekiston va Afg‘oniston bojxonachilari chegara postlaridagi muammolarni bartaraf etish bo‘yicha uchrashuv o‘tkazdi
22:20 / 09.05.2026
O‘zbekiston-Qozog‘iston chegarasida navbat yuzaga keldi
22:02 / 02.05.2026