O‘zbekistonda vaksina sinovida qatnashish uchun murojaat qilganlar soni 10 mingga yaqinlashdi

Xitoyda ishlab chiqilgan vaksinaning O‘zbekistondagi sinovlarida 4281 kishi 1-doza, 251 kishi 2-doza bilan emlandi.

Foto: Innovatsion rivojlanish vazirligi

O‘zbekistonda Xitoy kompaniyasi koronavirusga qarshi ishlab chiqqan rekombinant vaksinaning 3-bosqich sinovlari davom etmoqda.

Innovatsion rivojlanish vazirligi xabariga ko‘ra, 23 yanvar holatiga, sinovda qatnashish uchun skriningga kelgan ko‘ngillilar soni 9596 nafarga yetgan.

Ulardan 4281 nafar ko‘ngilli vaksinaning 1-dozasi bilan va 251 nafar ko‘ngilli vaksinaning 2-dozasi bilan emlangan.

Innovatsiya vazirligi koronavirusga qarshi Xitoy vaksinasini sinovdan o‘tkazish jarayoni haqida batafsil ma'lumot berdi

Sinov doirasida jami 5 ming nafar ko‘ngilli uch doza vaksina bilan emlanadi. Ko‘ngillilar 18 yoshdan katta va surunkali kasalliklarga chalinmagan bo‘lishi talab etiladi.

Vaksina sinovi 12 dekabrda boshlangandi. Dastavval Innovatsion rivojlanish vazirligi rahbariyatining 20 nafar ko‘ngilli oila a'zolari birinchi dozada emlangan edi.
ZF 2001 nomli vaksinani Xitoyning Anhui Zhifei Longcom Biopharmaceutical kompaniyasi yaratgan.