Chexiya bosh vaziri yaqinda tayinlangan sog‘liqni saqlash vazirini iste'foga chiqardi

Yaqinda Chexiya sog‘liqni saqlash vaziri etib tayinlangan Yan Blatni hukumat rahbari Andrey Babish bilan qarashlari to‘g‘ri kelmagani uchun iste'foga chiqarildi. 

"Gap men uning ishidan qoniqmaganimda emas, muammo shundaki, biz vazirlik qanday faoliyat ko‘rsatishi kerakligiga turlicha qaraymiz", - dedi Babish.

 Babish sog‘liqni saqlash vazirligi koronavirus bilan bog‘liq vaziyat o‘zgarishiga tezkorlik bilan javob qila olishi kerakligini bir necha bor ta'kidlagandi. Uning so‘zlariga ko‘ra, Blatnining iste'fosiga vazirning muomala qilishni bilmasligi sabab bo‘ldi.

 "Uning tajribasi yo‘q edi", - dedi Chexiya bosh vaziri.

 Blatnining o‘rniga Praganing Vinogradi rayoni shifoxonasi bosh shifokori Petr Arenberger vazir etib tayinlandi.