Liviyada harbiy parad chog‘ida qiruvchi samolyot halokatga uchradi

Liviya harbiy-havo kuchlariga qarashli MiG-21 qiruvchi samolyoti harbiy parad vaqtida qulab tushdi.

Ma'lumot berilishicha, samolyot Bengazida o‘tkazilayotgan parad chog‘ida halokatga uchragan. Uchuvchi halok bo‘lgan.

28 may kuni Liviya milliy armiyasi vakili Ahmad al Mismariy Bengazida bo‘lib o‘tadigan parad Liviya tarixidagi eng yirik harbiy parad bo‘lishini aytgandi.

Mart oyida prezident kengashi va Liviya hukumati qasamyod qabul qilgan hamda rasman ishga kirishgandi. Yangi hukumatning maqsadi milliy birlikka erishish va saylovlarga tayyorgarlik ko‘rishdir.