22:11 / 16.06.2021
11785
Россия ва АҚШ стратегик барқарорлик бўйича қўшма баёнот қабул қилди

16 июн куни Женевадаги Ла-Гранж вилласида Россия ва АҚШ президентлари ўртасида учрашув бўлиб ўтди.

Фото: Reuters

Россия ва АҚШ президентлари Владимир Путин ва Жо Байден Женевадаги учрашув якунлари бўйича стратегик барқарорлик борасида қўшма баёнот қабул қилди. Бу ҳақда Кремл матбуот хизмати хабар берди.

«Бугун биз ядровий урушда ғолиблар бўлмаслиги ва бу уруш ҳеч қачон юз бермаслиги тамойилига содиқлигимизни тасдиқлаймиз», дейилади баёнотда.

Баёнотда айтилишича, стратегик ҳужум қуролларини қисқартириш ва чеклаш тўғрисидаги шартноманинг узайтирилиши бунинг тасдиғидир.

«Россия ва АҚШ бу мақсадларга эришиш учун яқин вақт ичида стратегик барқарорлик бўйича икки томонлама мулоқотни йўлга қўяди», дейилади ҳужжатда.

16 июн куни Женевадаги Ла-Гранж вилласида икки давлат раҳбарлари учрашув ўтказди. Улар ўртасидаги икки қисмдан иборат музокаралар 3,5 соат давом этди.

Top