15:46 / 23.07.2021
3905
Ҳиндистонда кўчки оқибатида 35 киши ҳалок бўлди

Полиция хабарига кўра, табиий офат юз берган ҳудудда вазият мураккаблигича қолмоқда, қурбонлар сони янада ўсиши мумкинлиги айтилмоқда.

Фото: The Times of India

Ҳиндистон ғарбидаги Маҳараштра штатида юз берган кўчки оқибатида камида 35 киши ҳалок бўлган. Бу ҳақда Times of India нашри хабар бермоқда.

Хабарда айтилишича, кўчкига тинимсиз ёмғир ёғиши сабаб бўлган.

Полиция хабарига кўра, табиий офат юз берган ҳудудда вазият мураккаблигича қолмоқда, қурбонлар сони янада ўсиши мумкинлиги айтилмоқда.

Ёмғирлар оқибатида шунингдек, қатор темир йўллар сув остида қолган. Йўлда тўхтаб қолган поездлар йўловчилари автобусларда олиб кетилмоқда.

Мавзу
Иқлим ўзгаришлари
Иқлим ўзгаришлари натижасида Ер юзининг турли нуқталарида экстремал об-ҳаво кузатилмоқда.
Барчаси
Top