17:36 / 06.08.2021
20731

Moskva oblastida migrantlar ishtirokida ommaviy mushtlashuvlar sodir bo‘ldi

Mushtlashuv markaziy osiyoliklar o‘rtasida sodir bo‘lgani aytilmoqda. Mahalliy aholining ta'kidlashicha, janjal vaqtida o‘q ovozlari ham eshitilgan.

Moskva oblastidagi Mitishchi rayonida 40 nafarga yaqin kishi ishtirokida ommaviy mushtlashuv yuz berdi. Bu haqda ReN TV telekanali xabar qilmoqda.

Hodisa natijasida ikki kishi jarohatlangan.

Mushtlashuv markaziy osiyoliklar o‘rtasida sodir bo‘lgani aytilmoqda. Mahalliy aholining ta'kidlashicha, janjal vaqtida o‘q ovozlari ham eshitilgan.

Ushbu holat bo‘yicha jinoyat ishi qo‘zg‘atilgan.

«Moskva s ogonkom» Telegram-kanalining xabar berishicha, yana bir mushtlashuv Odinsovo shahrida, «Odinburg» turar joy majmuasi yaqinidagi qurilish baraklarida sodir bo‘lgan. Unda shimoliy kavkazliklar ham qatnashgani aytilmoqda.

Politsiya kelishi bilan mushtlashayotganlar tarqalgan. Keyinroq o‘n kishi qo‘lga olingan.

Mavzuga oid
Top