Samarqandda gultuvaklarda giyohvandlik o‘simligini yetishtirayotgan shaxs aniqlandi

Samarqand viloyati Samarqand tumanida xonadonida gultuvaklarda giyohvandlik o‘simligini yetishtirayotgan shaxs aniqlangan. Bu haqda viloyat IIB axborot xizmati xabar bermoqda.

Ma'lum qilinishicha, joriy yil 12 avgust kuni Samarqand tumani IIB xodimlari tumanning Qorasuv mahallasida yashovchi fuqaro A.S.ning yashash xonadonini tegishli tartibda ko‘zdan kechirgan. Tadbir davomida A.S. yashash xonasida gultuvaklarda kannabis parvarishlanib kelayotgani aniqlanib, giyohvandlik o‘simligi hujjatlashtirib olingan.

Qayd etilishicha, mazkur holat yuzasidan A.S.ga nisbatan Jinoyat kodeksning 270-moddasi 1-qismi bilan jinoyat ishi qo‘zg‘atilgan. Hozirda tergov harakatlari olib borilmoqda.