Gross sug‘urta kompaniyasi o‘zining 10 yillik faoliyati davomida sug‘urta bozorining yirik ishtirokchisiga aylandi, bugungi kunda kompaniyada 500 dan ortiq yuqori malakali mutaxassis mehnat qilmoqda.
Kompaniya uchun sug‘urta – bu aholini nafaqat sug‘urta himoyasi bilan ta'minlash, balki odamlarga xotirjamlikni tuhfa qilish imkoniyati. Bu – ishonchli biznes qurish, sayohat qilish, yangi avtomobil, muhtasham uy xarid qilish va tavakkalchiliklardan ozod bo‘lish ham demakdir. Har kuni minglab odamlar Gross sug‘urta dasturlarini xarid qilgan holda erkin va xotirjam bo‘lish uchun o‘z tanlovini amalga oshiradi. 2020 yilda kompaniya yakdil ravishda «Yil brendi» deb e'tirof qilindi.
Gross – bu O‘zbekistonda 10 yillik muvaffaqiyatli biznesning yorqin misoli. Gross uchun bu ushbu muhim sanadan ham ko‘proq ma'noga ega, bu kompaniyaga bozor yetakchilaridan biriga aylanishiga va o‘z pozitsiyalarini ishonchli tarzda mustahkamlashga imkon bergan o‘n yillik tajriba.
Bugungi kunda O‘zbekiston sug‘urta bozorida 41 ta sug‘urta kompaniyasi faoliyat yuritmoqda, bozorning yillik o‘sish sur'atlari esa 20 foizdan ortiqni tashkil etadi. Gross sug‘urta kompaniyasi o‘z faoliyatini 2011 yilda boshladi va tuzilgan paytidan e'tiboran uzluksiz o‘sish sur'atlarini ko‘rsatdi. Ish faoliyatining birinchi yilidayoq 15 ta filial ochildi, birinchi sotuvlar start oldi, mijozlar bazasi orta boshladi. Bugungi kunda mamlakat bo‘ylab kompaniyaning 80 dan ortiq ofisi faoliyat yuritmoqda, bu hattoki eng uzoqda joylashgan hududlarni qamrab olishga imkon beradi. Kompaniya umumiy sug‘urta sohasining barcha 17 ta klassi bo‘yicha, shuningdek New Life Insurance sho‘'ba korxonasi faoliyatni amalga oshiradigan hayot sug‘urta sohasining 4 ta klassi bo‘yicha 100 dan ortiq turdagi sug‘urta mahsulotlarini taqdim etmoqda.
Gross bugungi kunda – bu xizmatlar sifatini oshirishga va sug‘urta mahsulotlarini raqamlashtirishga yo‘naltirilgan aniq rivojlanish strategiyasiga ega bo‘lgan kompaniya. 10 yillik faoliyat davrida sug‘urta mukofotlari yig‘imi 2,7 mlrd so‘mdan 2021 yilda 270 mlrd so‘mgacha oshdi, sug‘urta majburiyatlari hajmi 2011 yilda 873 mlrd so‘mdan 350 trillion so‘mgacha ortdi.
Gross jamoasi yildan yilga o‘z brendini mustahkamlab bormoqda. Mazkur yuqori natijalarga erishish zamirida katta jamoaning sinchkovlik talab qiladigan va samarali mehnati yotibdi. Kompaniya qayta sug‘urtalash sohasida xalqaro faoliyatini rivojlantirib bormoqda. Har yili O‘z++ moliyaviy ishonchlilik reytingini tasdiqlab kelmoqda.
