Qozog‘istonda hashamat uchun soliq joriy etish taklif qilindi

Xususan, lyuks toifasidagi avtomashinalarga oshirilgan miqdordagi soliq joriy etish taklif qilinmoqda.

Foto: Getty Images

Qozog‘istonda hashamat uchun soliq joriy etish imkoniyati ko‘rib chiqilmoqda.

Xabar qilinishicha, mamlakat milliy iqtisodiyot vazirligi mazkur masala ustida ish olib boradi.

Xususan, lyuks toifasidagi avtomashinalarga (Aston Martin, Bentley, Ferrari, Lamborghini, Maserati va b.) oshirilgan miqdordagi soliq joriy etish taklif qilinmoqda.

Shuningdek, ayrim toifadagi uchuvchi qurilmalar, yaxtalar va respublika ahamiyatidagi shaharlar, oblast markazlari, kurort hududlarda joylashgan ko‘chmas mulklar ham hashamat deb e’tirof etiladi. Bunday ko‘chmas mulklarga nisbatan mulk solig‘ining oshirilgan koeffitsiyenti joriy qilinadi.